UKUR DINA PANINEUNGAN

Gunung nu ngalamuk paul

Kiwari turundul gundul

Kakayon tumuwuh subur

Kari tunggul nu parentul

Dituaran digadabah

Ku jelema nu sarakah

Sora budak cikcikbung

Teu kakuping sirna suwung

Di cai walungan kiruh

Kokotor geus teu paruguh

Campur limbah pabrik pinuh

Panas taya iuh-iuh

Gelik suling teu kakuping

Budak angon teu ngahariring

Ganti sora lagu barat

Mataka pegat urat sarap

Da lagu Sunda teu wawuh

Budaya anyar tumuwuh

Sora kia reujeung mideur anu baku

Keur patani geus ngabaju

Jeung wuluku geus teu laku

Ganti guruh traktor

Buatan jepang nu sohor

Sangkan magawe teu kendor

Alam endah meh geus punah

Wanci nu asri lastari

Nu aya kantun waasna

Ukur dina panineungan

(Karya Acah. T)

• Twitter
• Facebook
• Google
• Tumblr
• Pinterest