WAAS

Aya asri tanah kuring

Endah diamparan sawah

Parena sumedeng beukah

Diriung pakebonan

Paragrag ku palawija

Cur-cor caina ngagenclang

Ngalocor di tiap pancuran

Duh tanah priangan

Aya waas neuteup anjeun

Muga kaendahan anjeun

Langgeng sapanjangna

Suku langit tanah priangan

Dipager gunung-gunung pulas paul

Ngajega mapakan mega

Ngajegir jauh kagimir

Diaping pasir-pasir

Liuh lindukna tutuwuhan

Hejo lembok dangdaunan

(Karya R. Eva Zaenah)

• Twitter
• Facebook
• Google
• Tumblr
• Pinterest